الشارع المغاربي – ما يحبّش... L'agora

ما يحبّش… L’agora

24 مايو، 2018

الشارع المغاربي: ياخي في بالكم يا ناس ولاّ لا؟ بربّي الّي سمع يقول للّي ما سمعش : سي رياض الموخّر هاك الوزير الّي لاهي يا ندرا باش ما يحبّش يولّي رئيس حكومة !!! قالك اذا كان عرضو عليّ رئاسة الحكومة ما نقبلشيا لطيف ! خسارة ! وخسارة ما تتعوّضش زادة! على خاطر سي رياض الموخّر من خيرة ما عندنا في البلاد : طبيب متاع انعاش، ومزيان وشعرو ممشوط بالقدا ويلبس signé وتربى في حزب آفاق الشعبي ويعرف يتكلم بالعربية القحّة، الحاصيلو كامل الشروطتصوّرو سي الموخّر يتحدث مع دونالد ترامب ولاّ أمير الكويت ولاّ Christine Lagarde : شيّ يعمل الكيف ويشرّف

في نهاية الأمر ما غلطش سي الموخّر كيف حطّ روحو في مقام رؤساء الحكومة المفترضينلا ما غلطش جملةحويجة برك تنجّم تعطّلو اذا كان صادفت (ان شاء الله يا ربي) وعرض عليه الاستاذ قائد السبسي رئاسة الحكومة : هاك الكذبة بالكمشة الّي شدّتو بيها سامية عبو في البرلمان وتفرّجو فيها التوانسة على المباشر ! أما هي كذبة يا سي فلان، من نوع هاك الكذب المفلّق يطيح الكوز ويقعد الزيت معلّقوالمشكل زادة الّي تعلقت بسي رياض الموخّر قضية في الموضوعوين وصلت زعمة القضية ؟ لازم يجي نهار وتتنشر ما عندها فين ماشيةخسارةحقيقة خسارة !

كل شيّ باهي فيه سي الموخّر الاّ الكذبة !


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING