الشارع المغاربي – شاي لله سيدي رمضان ..L'agora

شاي لله سيدي رمضان ..L’agora

6 يونيو، 2018

الشارع المغاربي: أهوكا يا سيدي التفسير الصحيح جاء من عند سي الفاضل بن عمران، سي الفاضل بن عمران كان رئيس كتلة نداء تونس في البرلمان وهو وجه من الوجوه البارزة في نداء تونس، جنوبي أصيل وصاحب شخصية وفصاحة، بحيث كلامو عندو قيمتو ووزنو، عطا تفسير والله ما هو دوني في ما يخصّ كلمة يوسف الشاهد الّي تهجّم فيها على خوه حافظ قائد السبسي وقال فيها الّي حافظ والكبّانيّة متاعو دمّرو نداء تونس

سي الفاضل بن عمران قال أولا الّي يوسف الشاهد موش هو الّي كتب الكلمة أما كتبوهالو الجماعة المحيطة بيه والّي حسب رأي سي الفاضل بن عمرانتمتهن الفساد“… اي نعم هكة بالكلمة هذي ! ملاّ كلام يا خويا ! معناها يوسف الشاهد ما يعرفش يكتب الخطب متاعو ومخدّم معاه جماعة فسّاد باش يكتبوهالو ! توّا يعجبكم ها الشيء؟ لا حول ولا قوة الا بالله! وما زال الشيءقالك سي الفاضل بن عمران أحنا في نداء تونس ما خذيناش عليه سي يوسف الشاهد، قلنا لازم مرمضن! الله الله رئيس حكومة الدولة التونسية ويا من دراك دولة عمرها 3000 سنة يكلّم في الشعب التونسي وهو مرمضن ! معناها تحت تأثير الجوع والعطش والسخانة وربما حويجات أخرىالحاصيلو في كلمتين : يوسف مرمضن ونداء تونس يتفيسخ وتونس لا باس عليها في خير ونعمة وربي يدوم علينا الرخى.


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING