الشارع المغاربي – برلمان النطيح

برلمان النطيح

20 سبتمبر، 2018

الشارع المغاربي : توّا عجبكم ها الكلام؟ نايب رئيس البرلمان -البرلمان التونسي يا عباد ربي – يقول على البرلمان الّ يرأسو “برلمان متاع نطيح”! وماو تعرفو شكون يتناطحو في سبرنا التوانسة ؟ كان الأكباش! معناها الشيخ عبد الفتاح مورو شبّه البرلمان التونسي ببطحة متاع نطيح أكباش! ايه نعم! فبحيث كيف ما يقول سي الباجي سامية عبو ومحرزية العبيدي ويمينة الزغلامي كبشات ونور الدين البحيري وسفيان طوبال وعمار عمروسية أكباش سداس! يا رسول الله !
قبل كل شيء كيفاش سيدي الشيخ عطاه قلبو وضميرو وقعد يتفرج في النطيح أربعة سنين كاملين وهو ساكت وما تكلّم كان توّا وقت الّ حسّ الّ قريب باش تتخّذّ على روسهم الكلّ… تقريب يحبّ من توّا يسلّها جوينية الشيخ…

ومن جهة أخرى توّا باش تسكتلو سامية مثلا يشبّها بنعجة ولا بخروفة؟ البرلمان الكلّو صاحب السيادة الشعبية يتهان وما يتكلّم حتى نايب ؟ يا والله أحوال! الحاصيلو لا خير فيهم ولا فيه هو…

ما عادش الواحد يعرف على شكون يلوم ! ما عليهم التوانسة كان يلومو على رواحهم…

في بالهم انتخبو نوّاب ياخي طلعو علالش والشيخ مورو السارح متاعهم


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING