الشارع المغاربي – L’Agora : «الشطيح والسياسة»

L’Agora : «الشطيح والسياسة»

15 نوفمبر، 2018

الشارع المغاربي – إعداد بية المالحة : الفنان الرقّاص رشدي بلقاسم ما عجبوش الكلام الّي قالو سي الباجي في الندوة الصحفية متاعو. سي الباجي قال : “أنا مانيش صانعة متاع شطيح!”. تعبيرة متاع بلدية العاصمة، هكّة كانو ينعتو الراقصة حتى لليوم زادة، يقولولها “صانعة”. مَخْيَبْها الحقيقة كلمة صانعة، فيها محقرانية واستهانة… بعبارة أخرى الّي تشطح ما تنجمّش تكون منّا وإلينا…
سي رشدي بلقاسم ردّ على سي الباجي في تدوينة على الفايسبوك : “كيفاش ما نعلّق على تصريح من نوع هذا… كان رئيس الدولة أعلى هرم السلطة يحكي هكّة عالشطيح، آش ما زلت تستنّى من الشعب… في نظري الشطيح أشرف من السياسة… وممارسي الشطيح أشرف من ممارسي
السياسة”.
كلام متاع غشّ لا محالة أما موش الكلّو بطّال… توّا الفنان الرقّاص يشطح بجسمو أمّا السياسي يشطح بمخّو ! وشطيح الجسم فيه متعة خاصة إذا كانت “الصانعة” من مستوى سامية جمال و”الصانع” في مستوى حمادي اللغبابي، أما يا خويا كي تشوف رفيق بوشلاكة وإلاّ محسن مرزوق يشطحو بمخاخهم، مَاوْ زادة الواحد يعطي الحق لرشدي بلقاسم ويلوم شويّة على سي الباجي… وزعمة ثمّة تونسي ولاّ تونسية يفضّل شطيح مرزوق بالمخّ على رشدي بالجسم؟ يا ذنوبي…


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING