الشارع المغاربي – جمهور الإفريقي يُبدع مجددا بأغنية مُعبّرة تُحاكي الواقع (فيديو)
1000x300

جمهور الإفريقي يُبدع مجددا بأغنية مُعبّرة تُحاكي الواقع (فيديو)

قسم الأخبار

24 ديسمبر، 2019

الشارع المغاربي – قسم الأخبار: حققت أغنية فيراج جديدة للنادي الافريقي حملت عنوان “يا حياتنا” تم تنزيلها امس الاثنين 23 ديسمبر 2019، على قناة “African Winners” بموقع يوتيوب حوالي 75 ألف مشاهدة في اقل من 24 ساعة.

وتضمنت كلمات الاغنية العديد من الانتقادات للواقع السياسي والاجتماعي للبلاد، مذكّرة بأكبر “الفاجعات” التي عاشتها منها حادث انقلاب حافلة بعمدون ومقتل التلميذة مها القضقاضي التي جرفتها سيول الوادي بجندوبة وحادث السبالة ومقتل 12 عاملة فلاحية، وحادث وفاة مشجع النادي الإفريقي عمر العبيدي وغيرها من الفواجع الاليمة التي نكبت العديد من العائلات.

وانتقدت الاغنية كذلك الواقع السياسي مثل كلمات تتحدث عن بحث “السراق” عن الحصانة (في اشارة إلى وجود ملفات فساد تتعلق بعدد من النواب الجدد).

وفي ما يلي كلمات الاغنية كاملة:

يا جدادنا جينا لحفرة سماوهلنا بلادنا ..حفرة ما نعيشو فيها كيما أندادنا.. نحبو نخليو عيشة هانية لولادنا.. يعيشوا غرامهم في لفيراج كيما اعتدنا.

وحسادنا كمشة جبورة يحبو يجيبوها أسيادنا ..حسدونا في غرامنا وهلكولنا ستادنا.. يحبو يقاومونا و ما عرفوش عنادنا.. فيراج نحاربوا عليه ونفكو بلادنا.

يا حياتنا عيشتنا إلي خترناها هاذي حياتنا.. هاذي دنيتنا إلي فيها حكاياتنا.. هوني لقرحا هوني نحاربوا على خواتنا ..و إلي ماتوا ديما عايشين بيناتنا.

غناياتنا علفريقي والربحة إلي زهاتنا.. عالحرية و البلاد إلي نساتنا ..علمضلومين و الدولة إلي خلاتنا.. عالحق إلي يبقى رقبة بناتنا..

والحالة سرقة وغورة و هوما يحبو لحصانة.. في كل دورة لحاكم رشوة و جعالة.. شحال من حومة عايشة تهميش وبطالة.. ناس مقهورة صارت زطلة وسكارى.

ومولانا لحرام يطيح فيكم يوم القيامة.. تي الشعب يصيح لبلاد صارت جبانة.. ليجيبها قبيح يروح يبعد ينسانا ..أسمع مليح لوغة فيراج أحذانة..

بعتوها نهبتو ملاين للبراني عطيتوها.. ورخيتو لعين السرقة دعمتوها.. دخلتوا لكوكة لبلاد فزدتوها.. هججتو الناس للغربة لزيتوها ..خنقتوها فبابور اللوح ناس للحرقة رميتوها..

قداش من روح فالكار إلي قتلتوها.. طفلة صغيرة حتى لوديان هزوها.. Jamais ننسى كيما نتوما نسيتوها..

المنظومة نكرهوكم رحمة معاكم معدومة.. jamais ننسى اللي ماتو في الكميونة لميمة خذات وليدها في كرذونة.. حرام يموتو تبقاو عايشين انتوما..

نتمنى عمر ولد الفيراج نشالله في الجنة.. ندعيولو بالرحمة نشالله فقبرو يتهنى.. بلاد غبينة ما عندك ما تستنى..

نجيبوا حقو لاخر دقيقة عنا.. يالقاضي طالبين الحق ملينا كلام الفاضي.. اخرتها موت وبحكم ربي راضي ..غير الكورفا لتداويلي أمراضي.. نحاربو ال systeme كيما درنا في الماضي ..

يالعالي في الفيراج نبقى ندير اللي يحلالي غير الفوضى.. ونشجع ما عمبالي.. صوت المغروم اللي ما عندو والي ..فيراج الحق allez الإفريقي allez.

 

 

 


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING