الشارع المغاربي: الاعلامية “المشومة” مايا القصوري ذكّرت أختها النهضوية يمينة الزغلامي بـ3 تكربيصات  عملتهم في السنين الّي تعدّاو… خلّينا الساعة نفهمو أش معناها تكربيصة : حركة متاع البدن يتلهوث فيها الواحد على روحو في القاعة ومن بعد يجي واقف…

لِلاّ يمينة الزغلامي تكربصت حسب مايا القصوري 3 مرات على الاقل : الاولى وقت الّي قالت قبل الانتخابات الرئاسية الّي سي الباجي ما يصلحش وصوّتت ضد قانون الاقصاء ومن بعد ولاّت تشكر وتمجّد في التحالف معاه…. والمرة الثانية وقت الّي كانت مناصرة لهيئة الحقيقة والكرامة ولسهام بن سدرين ومن بعد ولاّت تقول الّي ثمّة شبهات فساد في الهيئة وسهام ما تصلحش…. وثالث مرة وقت الّي دافعت على حق جمعية “شمس” في الوجود ومن بعد قالت عكس ذلك في قناة الزيتونة…

وفي آخر حديثها قالت مايا القصوري “المشومة” لأختها يمينة الزغلامي النهضوية : “بربي وقتاش باش توفى من التكربيص؟“.

سؤال موش في بقعتو الحق… على خاطر اذا كان توفى من التكربيص معناها وفات الله لا يقدر يمينة…

وها الحكاية ما يحبها حتى حدّ… على خاطر وقت الّي توفى يمينة معناها توفى النكهة متاع السياسة في بلادنا…