الشارع المغاربي: أكد وزير السياحة السابق روني الطرابلسي اليوم الجمعة 3 أفريل 2020 انه بخير وانه يتلقى العلاج ويتماثل للشفاء من فيروس كورونا المستجد مشددا على انه لا يوجد اي شخص في مأمن منه داعيا التونسيين الى الامتثال لنصائح وزارة الصحة وخاصة اجراء الحجر الصحي الشامل معتبرا انه الدواء الوحيد لمجابهة الفيروس.

وكتب الطرابلسي في تدوينة نشرها بصفحته على موقع “فايسبوك” :”في البداية نحب نشكر الناس الكل الي تحيروا عليا وحاولوا يتصلوا بيّا وإلا بأفراد عايلتي باش يطمنوا عليا…نحب نقلكم الي أنا والحمد لله بخير وقاعد نتلقى في العلاج بصفة طبيعية وقاعد نتماثل للشفاء…أنا عندي 3 أيام ملي مشيت للمصحة في باريس” .

وأضاف :”نحبكم تعرفوا الي حتى واحد ماهو في مأمن من فيروس”Covid-19″ هذاكا علاش نحبكم تمتثلوا لنصائح وزارة الصحة في عملية التوقي وخاصة تطبيق الحجر الصحي الشامل باعتباره في الوقت الحالي المأمن الوحيد والدواء الوحيد”.

وتابع :”ردوا بالكم على أرواحكم وعلى عائلاتكم وعلى أحبابكم…ربي يشفي كل شخص مصاب بهذا الفيروس وربي يرحم الي توفاو ويصبر عائلاتهم…ربي يحمي تونس العزيزة ويبعد علينا هذا البلاء…وتونس إن شاء الله غدوة خير”.

يشار الى ان النائبة عن كتلة الاصلاح نسرين العماري كانت قد أكدت اليوم إصابة وزير السياحة السابق روني الطرابلسي بفيروس كورونا المستجد

وكتبت العماري في تدوينة نشرتها بصفحتها الرسمية على موقع “فايسبوك” :”دخول الوزير السابق روني الطرابلسي الى المستشفى بباريس بعد اصابته بكورونا …
تمنياتنا له بالشفاء العاجل”.