الشارع المغاربي – كبش نطيح...L'agora

كبش نطيح…L’agora

2 مايو، 2018

الشارع المغاربي : في الحصة المسائية الّي ينشطها الياس الغربي في راديو موازييك نهار الاثنين 22 أفريل، تكلّم سي نور الدين الطبوبي على العركة مع الحكومة وما رشفها لحدّكلّ واحد خذا مصروفو ومن جملتهم وزير العلاقات مع الهيئات الدستورية والمجتمع المدني وحقوق الانسان المهدي بن غربيةالسيد الوزير هذا يشبّه لـكبش نطيححسب سي نور الدين الطبوبيوكبش النطيح اسمو على جسمو : يربّيه مولاه ويعشعشو ويتغزّل به ويعاملو كيف ما يعامل ولدو ولاّ خوه باش يبدى حاضر نهار النطيحتتلمّ الناس في بطحة وكل Manager يجيب كبشو وتاقف النساء والرجال مستلبسة ويعطي حكم المقابلة اشارة الانطلاق ويبدى النطيحوتبدى تسمع في العباد تعيّط وتهيج وتميج وتدخل في هيستيريا الله معافينا حتى لين يسلّم واحد من الزوز أكباشإما يهرب والا يتّجرح والا يموت على البلاصة

ايه أما شنوّا وجه الشبه بين كبش النطيح وسي المهدي بن غربية؟ ما ظاهرليش وجه الشبه في المنظر على خاطر سي المهدي أنيق ووسيم ومركّب شعرو وما يشبّهش لكبش نطيح بالكلّلازم إمّالا الشبه في صنعة النطيحايه هوني ثمّة كلامسي المهدي ينطح الحقيقة ومعروف بالنطيحبرشة مرّات نطح نطحات مهمّة مثلا وقت الّي تناطح هو وخوه ياسين ابراهيمأما المرة هاذي بعد ما عطاهالو خوه نور الدين الطبوبي لا تقرا ولا تكتب هربوريحتو ما ثمّاش

ان شاء الله لا باس على كلّ حال وان شاء الله ما عندو سوّ


اقرأ أيضا

الشارع المغاربي


اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING