الشارع المغاربي – اعداد بية المالحة : أهوْكا يوسف الشاهد رئيس حكومتنا مشا في كرهبة تونسية للبرلمان نهار إلّي باش يقدّم الميزانية… كرهبة ماركة WALLYSCAR ، الموتور بركة متاعها موش تونسي، أما البقية كلّها صنع تونسي… قال شنوّة يشجّع في المنتوج التونسي…
توّا باللّه وقت الّي مثلا واحد يحبّ يشجّع المنتوج التونسي في المواد الغذائية ماهو يولّي ديما يشري فيهم… ما يشريش القلوب متاع تركيا أما يشري القلوب الكحلة متاع تونس وما يشربش ال Becks و Heineken أما يشرب ال Celtia التونسية وهكذا دواليك… مالا يا سي يوسف كانك بالمجدّ تحبّ تشجّع السيارة التونسية، مبدئيا يلزمك كلّ يوم تمشي وتجي فيها للخدمة وتمشي بها تزور الأهل والأصدقاء وبها زادة تمشي للحمّام وهكذا دواليك…
ما كانش باش تفسّدها… وتظهر عملية جيّانك بال WALLYSCAR للبرلمان فقط عملية نجمّو نقولو ركيكة وشعبوية وماسطة لاسطة… وانت وخيّ دليلك ملك…