الشارع المغاربي: انتقد فوزي عبد الرحمان وزير التشغيل الاسبق اليوم الثلاثاء 3 اوت 2021 تصريحات رئيس الجمهورية قيس سعيد يوم امس بخصوص وزير المالية علي الكعلي وتلميحه الى امكانية هروبه الى الخارج معتبرا ان “الجاهل لا يعذر بجهله خاصة اذا كان رئيس دولة”.

ووصف عبد الرحمان تصريحات سعيّد بـ””غير المقبولة اخلاقيا وسياسيا وقانونيا” مؤكدا انها تقع تحت طائلة قانون الثلب مستدركا بالقول “لو كان جاء القضاء قضاء” لافتا الى ان هناك من يغالط رئيس الجمهورية .

وتحت عنوان “لا يعذر الجاهل بجهله خاصة كيف يكون رئيس دولة”كتب عبد الرحمان في تدوينة نشرها بصفحته على موقع “فايسبوك” :”ما ثمة حتى وزير ينجّم يخرج للخارج من غير إذن رئيس حكومة. وما ثمة حتى إجراء صغير والا كبير يتوقف على تصحيحة وزير غائب. وما ثماش حتى دولة تحير باش تتصل بوزير لانو عندو كتابة وديوان وإدارة وحتى في صورة عطلة الوزير يبقى في إتصال”.

وأضاف ” الناس اللي تعرف الإدارة والدولة يعرفو اللي أجهزة الأمن متاعنا تعرف مكان الوزير بكل دقة وما ثماش وزير مسيب في الطبيعة. وهذه الدولة اللي ربما غلطوا رئيسها وعندي فكرة شكون ينجم يعمل الشيء هذا…على الكعلي خرج في عطلة عائلية نهار 24 وكان من المفروض أنو باش يتنقل إلى روما نهار 27 لتحضير زيارة رئيس الحكومة. ..رجع لتونس من نهار الخميس اللي فات (29 جويلية). عندو أربعة أيام في تونس… وفي الوزارة يخدم عادي. مرة أخرى ثمة شكون قاعد يغلط في رئيس الدولة في الموضوع ويخليه يتكلم بالغالط”.

وتابع عبد الرحمان :” بعد قرارات الرئيس نهار 25 جويلية بإقالة رئيس الحكومة .. شكون الوزير اللي ينجم يصحح؟ حتى حد لان الوزراء الكل أصبحوا وزراء تسيير أعمال.. وقانونيا وأخلاقيا وسياسيا ما عادش ينجمو يصححوا على حتى شيء. ..هذا الناس اللي تعرف الدولة تعرفو. شكون قاعد يغلط في الرئيس؟ الخزنة في الدولة العصرية هي في الغالب دفاتر إلكترونية والخزنة متاع الفلوس موجودة في البنك المركزي.. كان ينجم رئيس الدولة يثبت روحو قبل ما يقول كلام موش غالط برك ولكن ينجم يتطبق عليه قانون الثلب (لو كان جاء القضاء قضاء)”.

وواصل “ثمة رئيس يقول “ما نعرفش هزها والا ما هزهاش” ؟ …ثمة رئيس يتهجم على شرف إنسان (موش حتى وزير) من غير موجب ويرمي لحمو للكلاب باش تنهشو من غير سبب وجيه؟ هذي أخلاق الإسلام والأمانة والثقة والنزاهة ؟ ساندنا موقف قيس سعيد من منطلق القضاء على التخلويض اللي في البلاد والفساد الكبير اللي استشرى والنهضة اللي تغولت على الدولة.. البارح هجوم الأمن غير المسبوق على مقر المحامين وتصريحات رئيس الدولة غير المقبولة أخلاقيا قبل ما تكون غير مقبولة سياسيا أو قانونيا ما همش مؤشرات ماشية في الإتجاه الصحيح. ومانيش باش نحكي على الناس اللي تعدي في فيديو متاع راجل في عطلة هو وعائلتو.. هذا سقوط أخلاقي ما هوش غريب على مجتمع جهل وعبيد ورعايا. والله لو أمطرت السماء حرية لخرج الآلاف بمظلاتهم.موضوع النقاش ليس الحكم على أداء الوزير أو قرار إقالته..هذا موضوع آخر للي ما يفهمش وخاصة للذباب بجميع أنواعه”.

وكان رئيس الجمهورية قد قرر يوم امس اقالة وزير المالية علي الكعلي وتكليف سهام البوغديري نمسية بتسيير وزارة الاقتصاد والمالية ودعم الاستثمار.

وقال سعيّد خلال اداء الوزيرة الجديدة اليمين الدستورية “علي الكعلي لا أثر له واتصلت به دون إجابة ….ما ثماش الوزير، إيعيطولوا بالتاليفون قال يحضر في زيارة لرئيس الحكومة إلى روما ، تليفون مصكّر وما ثماش”  .

وأضاف ‘ مثل خزندار  أخذ الخزنة وفرّ وبن عياد هز الخزنة وهرب، للأسف الشعور مبني فقط  على الولاءات والتحالفات وهناك من له مئات المليارات في الخارج ونحن نريد عدالة جبائية للجميع على قدم المساواة “.