الشارع المغاربي: انتقد فوزي عبد الرحمان الوزير السابق اليوم السبت 28 اوت 2021 بشدة ما ورد على لسان رئيس الجمهورية قيس سعيد يوم امس حول أموال القروض المسندة لتونس والتي قال انها لا تدخل تونس وتصرف في حسابات الفاسدين بالخارج”.

واعتبر عبد الرحمان ان من “شان مثل ذلك الكلام ان يزيد من تشويه صورة تونس” وانه”يعطي فكرة سيئة عن الرئيس وثقافته الاقتصادية”.

وكتب عبد الرحمان في تدوينة نشرها على صفحته بموقع فايسبوك ” باهي.. توا الناس الكل تعرف الي السيد الرئيس حفظه الله لا يفهم أبجديات الإقتصاد والتعامل الإقتصادي ونعرفو الي إسم الله عليه ما يسمع كلام حد.. ولكن بربي ما ثما حد يقلو الي راهو الفيديوات متاعو يدورو العالم في دقيقة والي كلامو على أموال القروض الي تتصب في حسابات الفاسدين البرّا.. راهو أولا كلام ما ينجمش يكون صحيح وكلام ما يجيش على لسان رئيس دولة وثانيا يعطي فكرة خايبة ياسر على رئيسنا وثقافتو الإقتصادية وثالثا يزيد يشوه صورة تونس..”

وسخر عبد الرحمان من قيمه المساهة التي قدمها 24 بنكا معتبرا انه كان بامكان واحد من المساهمين تقديمها قائلا: ..”وزيد هاك الصورة متاع رئيس جمعية البنوك والكلمة الي قالها وهاك المجهود الي عاملينو 24 بانكة.. وقت هاك القيمة (قال الرئيس تاريخية! ) ينجم يعطيها واحد وحدو من جملة المساهمين وفي مؤسسة واحدة.. جمعية البنوك صحة ليهم دبروها.. حتى حد ما هو قاعد يقوللهم حقائقهم الأربعة”.

وتابع عبد الرحمان “لو كان يقعد الكلام هذا بيناتنا موش مشكل.. نعرفو بعضنا وما ناش براينية.. أما الفضائح هاذم يدورو في العالم.. والله موش معقول…ما ثما حد يكلم الرئيس ويسمعو؟؟”