الشارع المغاربي : باللاّزمة لا يحشمو ولا يجعرو… توّا هكّة يا رسول الله… لا قالو السيد رئيس الجمهورية ما زال كي دشّن المركّب… لا خلاّو مديدة تتعدّى على تطير النفس… هكّة شقّو دقّو… السيد رئيس الجمهورية مشى منّا وهما سقطو على المركّب من غادي… وهزّو بسكلاتات وكيسان وكتب…
توّا الكتب والله تتفهم… يقول القايل يحبّو يتثقفو وما في حالهومش باش يشريو… أما الكيسان زعمة لواش ؟ حتى من السلتيا تتشرب كرينو… بالكشي باش يبيعوهم هوما والبسكلاتات… الحاصيلو شيء يدوّخ في التوانسة…
أما بالكشي ما همش سرّاق الّي عملو ها العملة… أما جماعة مهفّات حبّو يبعثو رسالة مضمونة الوصول الى رئاسة الجمهورية مفادها أن “تعبت روحك من غير فايدة … انت مشيت منّا والمركب رجع كيف ما كان… يتسرق وربما يتحرق“.
بالكشي…
