الشارع المغاربي – L'AGORA : سي مصطفى يحبّ‭ ‬يولّي‭ ‬رئيس‭... ‬إي‭ ‬نعم‭ !‬
Korando 2020

L’AGORA : سي مصطفى يحبّ‭ ‬يولّي‭ ‬رئيس‭… ‬إي‭ ‬نعم‭ !‬

منى حرزي

4 يوليو، 2019

الشارع المغاربي – إعداد بية المالحة : سي‭ ‬مصطفى‭ ‬بن‭ ‬جعفر‭ ‬ما‭ ‬هوش‭ ‬مسلّم‭… ‬لا‭ ‬فاد‭ ‬فيه‭ ‬المربخة‭ ‬الّي‭ ‬كلاها‭ ‬حزبو،‭ ‬ولاّ‭ ‬الّي‭ ‬كلاها‭ ‬هو‭ ‬في‭ ‬الانتخابات‭ ‬التشريعية‭ ‬والرئاسية‭ ‬الماضية‭… ‬لا‭ ‬شيء‭… ‬يا‭ ‬خي‭ ‬ما‭ ‬عندوش‭ ‬دم‭ ‬يدور‭ ‬ولاّ‭ ‬شنيّة‭ ‬غريبتو؟‭ ‬يقول‭ ‬القايل‭ ‬يا‭ ‬ولدي‭ ‬برّا‭ ‬شدّ‭ ‬قدرك‭ ‬واتلهى‭ ‬برويحتك‭ ‬وشوف‭ ‬اش‭ ‬ينقصك‭ ‬واش‭ ‬ما‭ ‬ينقصكش‭ ‬واعمل‭ ‬ربي‭ ‬في‭ ‬بالك‭ ‬واذا‭ ‬كان‭ ‬لتوّا‭ ‬ما‭ ‬حجّيتش‭ ‬برّا‭ ‬أعمل‭ ‬حجة‭ ‬واكتبتنا‭ ‬كتيّب‭ ‬باهي‭ ‬فيه‭ ‬ذكرياتك‭ ‬وارتاح‭ ‬ورتّحنا‭ ‬معاك‭… ‬لا‭ ‬دوّيو‭..‬‭. ‬الراجل‭ ‬يغزر‭ ‬للرئاسة‭ ‬الجاية‭ ‬وقالك‭ ‬ما‭ ‬زال‭ ‬يخمّم‭ ‬يترشّح‭ ‬ولاّ‭ ‬لاَ‭… ‬أكثر‭ ‬من‭ ‬هكّة‭ ‬على‭ ‬موقع‭ ‬‮«‬حقائق‭ ‬اون‭ ‬لاين‮»‬‭ ‬قال‭ ‬الّي‭ ‬هو‭ ‬‮«‬يمكن‭ ‬أن‭ ‬يكون‭ ‬مرشحا‭ ‬توافقيا‭ ‬للاحزاب‭ ‬السياسية‭ ‬نظرا‭ ‬لما‭ ‬يكتسبه‭ ‬من‭ ‬تجربة‭ ‬سياسية‮»‬‭… ‬ايه‭ ‬لا‭ ‬صحيح‭… ‬هوني‭ ‬عندو‭ ‬ألف‭ ‬حق‭… ‬فيما‭ ‬يخص‭ ‬التجربة‭ ‬السياسية‭ ‬سي‭ ‬مصطفى‭ ‬دكتور‭ ‬مبرّز‭ ‬خاصة‭ ‬في‭ ‬مادة‭ ‬خيانة‭ ‬الناخب‭ ‬وكتابة‭ ‬أحسن‭ ‬دستور‭ ‬أخرج‭ ‬للناس‭ ‬الّي‭ ‬كتبو‭ ‬الحبيب‭ ‬خذر‭ ‬والمواقف‭ ‬الشهيرة‭ ‬من‭ ‬الابداعات‭ ‬الفنية‭ ‬والثقافية‭ ‬الّي‭ ‬عبّر‭ ‬عليها‭ ‬في‭ ‬قصر‭ ‬العبدلية‭…‬

زعمة‭ ‬شكون‭ ‬من‭ ‬الاحزاب‭ ‬الّي‭ ‬تنجم‭ ‬تجيه‭ ‬الفكرة‭ ‬باش‭ ‬يتصل‭ ‬بسي‭ ‬مصطفى‭ ‬ويقولو‭ ‬ماذا‭ ‬بينا‭ ‬تكون‭ ‬مرشحنا‭ ‬التوافقي‭ ‬للرئاسة؟‭ ‬عملت‭ ‬أختكم‭ ‬بية‭ ‬دورة‭ ‬على‭ ‬الاحزاب‭ ‬بالواحد‭ ‬بالواحد‭ ‬ما‭ ‬لقات‭ ‬حتى‭ ‬حزب‭… ‬مالاّ‭ ‬غلبة‭… ‬وموش‭ ‬لازم‭ ‬نقول‭ ‬الكلام‭ ‬الّي‭ ‬سمعتو‭ ‬حتى‭ ‬في‭ ‬الزوز‭ ‬احزاب‭ ‬لخرى‭ ‬متاع‭ ‬الترويكا‭ ‬النهضة‭ ‬والمؤتمر‭… ‬شيء‭ ‬يدوّخ‭… ‬ تي‭ ‬اش‭ ‬لزّ‭ ‬العاقل‭ ‬لهذا‭ ‬يا‭ ‬رسول‭ ‬الله؟‭ ‬هذاك‭ ‬قانون‭ ‬اللعبة‭ ‬في‭ ‬السياسة،‭ ‬الّي‭ ‬تجيبو‭ ‬سقّيه‭ ‬العصا‭ ‬ليه‭… ‬ أيّا‭ ‬نبقيكم‭ ‬على‭ ‬خير‭…‬

صدر بأسبوعية ” الشارع المغاربي” في عددها الصادر يوم الثلاثاء 2 جويلية 2019


اقرأ أيضا

الشارع المغاربي


  • من نحن ؟
  • للإتصال بنا

اشترك في نشرتنا الإخبارية



© 2020 الشارع المغاربي. كل الحقوق محفوظة. بدعم من B&B ADVERTISING