الشارع المغاربي: نفى خالد عبد الكريم رئيس الدائرة الاستعجالية بالمحكمة الابتدائية بالمنستير اليوم الاثنين 13 جوان 2022 اقتحام انس الحمادي رئيس جمعية القضاة التونسيين قاعة جلسة القضاء الاستعجالي بالمحكمة لمنع تواصلها.

واوضح عبد الكريم ان الحمادي دخل قاعة الجلسة مثل بقية المواطنين وانه طلب منه بصفته رئيس جمعية القضاة وفي نطاق ممارسة الحق النقابي المكفول دستوريا رفع الجلسة مشيرا الى انه استجاب لطلب الحمادي عن طواعية ودون اي تأثير او ضغط منه .

وكتب في تدوينة نشرها بصفحته على موقع “فايسبوك” :” تبعا لما تم تداوله ببعض وسائل موقع التواصل الاجتماعي من بعض المحامين حول تعمد رئيس جمعية القضاة التونسيين اقتحام جلسة القضاء الاستعجالي بالمحكمة الابتدائية بالمنستير ومنع تواصلها..أؤكد انا خالد عبد الكريم رئيس الدائرة الاستعجالية ان رئيس الجمعية لم يقتحم الجلسة مثلما تم الترويج له وانما دخل قاعة الجلسة مثل بقية المواطنين وبوصفه رئيس الهيكل النقابي الذي أنتمي اليه. وفي اطار ممارسة الحق النقابي المكفول بالدستور طلب مني بكل احترام وبكل لطف رفع الجلسة فاستجبت لطلبه عن طواعية ودون أي تأثير أو ضغط منه .وسبق لي ان قمت بنفس الشيء بناء على طلب رئيس فرع المحامين بالمنستير اثر وفاة الاستاذين نبيل القنوني ومحمد علي حمودة وعليه فإني أفند كل الروايات المتداولة والمخالفة لكل ما حصل اليوم”.

وكان المحامي يوسف لحمر قد أكد في وقت سابق من اليوم ان الحمادي اقتحم قاعة جلسة منتصبة للنظر في الدعاوى الاستعجالية بالمحكمة الابتدائية بالمنستير وانه قام بهرسلة رئيس الدائرة الذي رفض الإضراب وانه أجبره على رفع الجلسة أمام صدمة المحامين والمتقاضين.

وكتب لحمر في تدوينة نشرها بصفحته على موقع “فايسبوك”:” بكلكم سمعتو انس الحمادي رئيس جمعية القضاة يقنع فيكم اللي القضاة الكل مضربين بمحض إرادتهم و ما فما حتى إكراه تمارس على حتى قاضي…الشي موثق ماهو؟ …اليوم يا سيدي في المحكمة الإبتدائية بالمنستير مع التسعة و نصف متاع الصباح تهبط ملفات القضايا الإستعجالية للجلسة و يهبط الرئيس و يبدا ينادي على الملفات و المحامين حاضرين و الجلسة تسير بشكل طبيعي بحضور المواطنين و كاتب الجلسة والحاجب والمحامين…. طلعوا شكون اقتحم القاعة و بدا يصيح و يشاور بيديه؟؟ أنس الحمادي بذاتو…آش يقول؟..يصيح في وجه رئيس الجلسة بكل جهدو لين سمعوه اللي في المحكمة الكل ويقول لزميلو ا ” ارفع الجلسة توا…توا ترفع الجلسة” ويشاورلو بإشارة الوقت المستقطع بيديه ….رئيس الجلسة متربي برشا و حشام وجهو حمار و تبسم لزميلو و قالو بكل أدب ” تو نحكيو في البيرو ” و كان يخزرلو في خزرة بكلها إحراج باش يقلو موش هكا …انس الحمادي شد صحيح و زاد علا صوتو و نبرتو بكلها تشنج و عدائية و يقولو ما فماش في البيرو توا ترفع الجلسة…
القاضي خزرلو خزرلو و رفع الجلسة و خرج وسط ذهول الحاضرين…طلعت لوكيل الجمهورية باش نطلب منو فتح بحث فوري في الجريمة المجلسية ما لقيتوش..دقيت على مكتب المساعد الاول و ستنيتو ماجاش..دخلت لرئيس المحكمة و عبرتلو على استيائي من الإهانة اللي لحقت زملائي الحاضرين و الاعتداء الصارخ على حق الدفاع و حقوق الناس و على حرمة الجلسة…..علاقة القضاة في بعضهم و الموقف من للإضراب موضوع آخر ما وقعش التطرق ليه رغم اللي الموضوع خطير برشا ….هاتفت أحد أعضاء الفرع وأعلمتو بالموضوع دائما من زاويةالإعتداء على حقوق الدفاع دون غيرها من الزوايا..انس الحمادي بفعلتو الثابتة و الموثقة ارتكب أكثر من جريمة يعاقب عليها القانون و كان بحالة تلبس و النيابة العمومية بالمنستير مسؤولة على اتخاذ الإجراءات العاجلة و الصارمة في كنف احترام حقوق الدفاع و الموضوع باش نتبعوه من قريب و ماناش باش نسكتو على الاهانة اللي مست المحامين بالاعتداء الصارخ على حقهم في ممارسة واجبهم و تعطيل حرية العمل….”.