الشارع المغاربي: اكدت الفنانة المسرحية ليلى طوبال اليوم السبت 16 جويلية 2022 دعمها بقوة التصويت بنعم لمشروع الدستور المعروض على الاستفتاء يوم 25 جويلية الجاري ورفضها الشديد للعودة الى الوراء.

وكتبت طوبال في تدوينة نشرتها على صفحته بموقع فايسبوك تحت عنوان “مليون نعم”:” كيما عركتي الشخصية مع السرطان باش نكمّل عركتي ضدّ سرطان الإرهاب والمافيا والفساد المعشّش في بدن البلاد ومفاصلها وتراكنها، في مخّها وجواجيها وطراطش صوابعها، في ضفايرها وفي ضحكتها وممّو عينيها. السرطان الّي ضرب كل الخلايا الحية، مالدموية للجلدية مرورا بالعصبية وخلّى الغالية جلد عالعظم، تمشي وتتكبّ وتغفّق ماهيش لاقية النفس، حطّمها وسِلتها وعرّاها وڤرّاها وعذبّها ووجعها وبكّاها وقهرها. “

واضافت “السرطان الّي قتل زادة خلايا الشرف والقيم والصدّق والإخلاص والنزاهة والنّبل والضمير والوطنية وحتى خلايا الحبّ والعطاء والحلم والفرحة قضى عليها… الشيميو يمكن تكون طويلة ومكلفة ومتعبة آما عندي أمل في الشفاء…مليون نعم للاستفتاء، وألف مليون لا ولا للعودة الى الوراء. هزّوا الحجر وارجموني لآخر حرف، الكلمة باش تقعد حيّة مادام القلب يدقّ للوطن.”

يشار الى ان الممثلة ليلى طوبال كانت من ضمن الشخصيات التي شاركت في اجتماعات اللجنة الاستشارية الاجتماعية والاقتصادية المنبثقة عن الهيئة الوطنية الاستشارية من اجل جمهورية جديدة.