الشارع المغاربي – قسم الاخبار : دعا النائب عن كتلة الائتلاف الوطني ورجل الاعمال حافظ الزواري اليوم الجمعة 19 جويلية 2019، في رسالة موجهة الى رئيس حزب تحيا تونس يوسف الشاهد والامين العام سليم العزابي والرأي العام السياسي ، إلى إحالة نواب الكتلة التي ينتمي إليها على المعاش ( التقاعد).

واشار الزواري في تدوينة نشرها على صفحته الرسمية بموقع “فايسبوك” إلى أن النواب الحاليين لكتلة الائتلاف الوطني لم يبق لهم دور .

يذكر أن جل نواب كتلة الائتلاف الوطني التي تضم حاليا 45 نائبا ، وتحتل المرتبة الثانية في ترتيب الكتل ، يعتزمون تجديد الترشح للانتخابات التشريعية المزمع تنظيمها يوم 6 أكتوبر القادم باستثناء نواب على غرار المنصف السلامي وزهرة ادريس وبشرى بلحاج حميدة (مستقلة).

وكتب الزواري:

الى السيد يوسف الشاهد رئيس حزب تحيا تونس
الى السيد سليم العزابي أمين عام الحزب
الى الرأي العام السياسي التونسي

أيها السيدات و السادة،
أحنا اليوم في أواخر العهدة النيابية، و انا قاعد نشوف اليوم انو المجلس ولى مسرح للبروفات السياسية، وكل النواب ولاو يفكرو في العهدة النيابية 2019-2024، و أنا منهم.
قعدت مع روحي، و قيمت بصفة برقية، و التقييم الصحيح ما ينجم يكون الا من عند الناخبين.
مانيش باش نحكي على العمل التنموي الي قمت بيه سواء في مدينتي القلعة الكبرى، أو في بقية ربوع الولاية. أنا باش نقيم و نحكي على العمل السياسي، هو في الواقع حاجة وحدة : تتذكروشي في شهر ماي 2018 وقتلي نزلت تدوينة على صفحتي الرسمية و عارضت مشروع سيادة رئيس الجمهورية ربي يشفيه، الي يعبرو عليه بوثيقة قرطاج 2، الي تحب تغير الحكومة. كيما تعرفو أنا جاي من قطاع الاقتصاد و الاستثمار، و نحبو ديما على الاستقرار الحكومي و الرؤية الواضحة باش الناس تنجم تستثمر و تخلق مواطن الشغل. لذا كنت من معارضي التمشي هذا، والتفت حول الحكومة و رئيسها مجموعة من النواب، وكان هدفها الاستقرار الحكومي و كان لقى هذا الدور دعم و مساندة من كل الحكماء و اللذين ليس لهم مطامع سياسية.
أعتقد أن هذا الدور كان أساسي باش تحقق الهدف الي هو الاستقرار و بقاء الحكومة ثابتة و صامدة رغم الهزات و وصولها مرحلة الانتخابات بسلام.
و كان انبثق من الكتلة النابية المشروع السياسي الي شاف النور مطلع هذه السنة، حزب تحيا تونس، و بحول الله تونس تقعد ديما حية، و نكونو عملنا حاجة باهية، ولكم التقييم الصحيح.
بعد كل هذا أعتقد أن النواب الحاليين لكتلة الائتلاف الوطني لم يبق لهم دور وأطلب من القيادات الجديدة الشابة لحزب تحيا تونس تكريم النواب هاذم و احالتهم على المعاش.

النائب حافظ الزواري