الشارع المغاربي: اعرب الخبير الاقتصادي أرام بلحاج اليوم الاحد 16 اكتوبر 2022 عن تفاؤله بالاتفاق الحاصل بين تونس وصندوق النقد الدولي المعلن عنه يوم أمس مؤكدا في نفس الوقت على ان ذلك لن يحل مشكل الميزانية ولا المشاكل الاقتصادية لتونس.

وشدد بلحاج في تدوينة نشرها على صفحته بموقع فايسبوك على أنه يتعين لتجسيم هذا التفاؤل الشروع في اصلاح الاقتصاد وعلى ان يجلس من يحكم الان -كخطوة اولى- مع الذين يحبون مصلحة البلاد حول نفس الطاولة للتحاور على خطة انقاذ موحدة يخرجون بها للعالم مضيفا انه يتعين على رئيس الجمهورية قيس سعيد ان “يغير من نفسه او ان يرحل”.

وكتب بلحاج في تدوينته” : نشوف في برشا ناس تهلل وتكبّر بالاتفاق المبدئي مع صندوق النقد الدولي. ونشوف زاده في ناس تقزّم وتستهتر بالمجهود الي قام بيه الوفد التونسي وتعتبر الإتفاق ماعندو حتى قيمة والاراء المطروحة سواء من الجانب هذا أو ذاك، عندها خلفيات سياسية في مجمل الأحيان”.

وأضاف “عموم الشعب التونسي يسأل، خايف، ما يعرفش يتفائل والا يتشائم، يحب يعرف وقتاش توفى الأزمة وترجع تونس كيما عرفها…

الصحيح الآن:

*هل الإتفاق المبدئي مع صندوق النقد الدولي مهم؟ اي نعم؛

*هل الإتفاق هذا (وحتى الاتفاق النهائي الي باش يصير) باش يحل مشكلة الميزانية ومشاكل تونس الاقتصادية؟ لا

*ايه نفرحوا والا نحزنوا على اتفاق من النوع هذا ؟ نتفاءلوا

*كيفاش نعملوا باش التفاؤل هذا يقدم بينا؟ نبداو نصلحوا اقتصادنا؛

*تي هاو ماعناش إمكانيات؟ لا، عنا. وبرشا دول مستعدة تعاون زاده؛

*مالا كيفاش نعملوا بالضبط؟ كخطوة اولى، الناس الي تحكم، مع الناس الي تحب مصلحة البلاد في الداخل والخارج، تقعد فرد طاولة وتتحاور حول خطة إنقاذ موحدة تُخرج باها للعالم؛

*تي هاو عندك رئيس مسكر كل شيء وماهو سامع حد ومعادي الناس الكل؟ يلزمو يبدل من روحو أو يمشي على روحو…”