الشارع المغاربي -قسم الاخبار: دعت الدكتورة سمر صمود البروفيسور بمعهد باستور اليوم الاحد 27 جوان 2021 الرئاسات الثلاث الى اعلان حالة الطوارئ الصحية وطلب النجدة الدولية لتوفير التلاقيج المضادة لفيروس كورونا منتقدة عدم التعامل مع الوضع الوبائي من طرف حكام تونس بالجدية المطلوبة.

وكتبت الدكتورة صمود على صفحتها الرسمية بموقع “فايسبوك” : “حان الوقت بالنسبة للثلاثي الماسك بالحكم باش ياخذ الأمور بغاية الجدية عبر اعلان حالة الطوارئ الصحّية ، يطلب النجدة الدولية ويفتح كل المسالك الديبلوماسية لجلب التلاقيح في الابان نشريوها بفلوسنا أما تستعمل كل الوسائل الديبلوماسية لجلبها”.

واكدت على ان الوضع لا يحتمل انتظار وصول شحنات في اوقات متفرقة مشددة على انه لو قبل العالم بمساعدة تونس لانتهت حملة التلاقيح في غضون 3 اشهر.

وتابعت” انا متحققة من هذا ! تونس الاستثنائية الي تحصلت على جائزة نوبل للسلام يجب ان تفيق من سباتها العميق وترجع تطرق كل أبواب العالم لجلب التلاقيح !اليوم هناك جريمة ترتكب في حق المواطنين التوانسة ! وراهو يا سيد رئيس الحكومة باهي كي تفسر الي التلقيح بجرعتين يحمي من الحالات الخطيرة وانت مثال أما راهو استفزاز كبير وقتلي 23,6% من التوانسة مقيدين في منظومة EVAX وفقط 10,5% تلقوا جرعة منهم 4,23% تحصلوا على الجرعة الثانية، خاطر هاذم مواطنين توانسة مقتنعين ومقيّدين في المنظومة …أما ما لقحوش خاطر ما ثماش تلاقيح !”.

واضافت” المواطنون خايفين على أنفسهم ، أما كذلك على عائلاتهم وعلى صغارهم ويجب ان تعلموا ايضا ان الاطفال فوق الـ12 سنة لهم الحق في التلقيح في العالم وعن قريب الي اصغر خاصة ان السلالات الجديدة تمس كل الفئات العمرية وكلها معرضة للعدوى والحالات الخطيرة مع التنسيب والاولويات بالطبيعة ! والي الجرعتين لازمين للحماية من الحالات الخطيرة والقاتلة بالنسبة للزوز الرؤساء الآخرين الحقيقة ما نعرفش كان في بالهم الي ثما كورونا اصلا ! واحد نتفكروا في بالو كورونا” في اشارة الى رئيس الجمهورية قيس سعيد ورئيس مجلس نواب الشعب راشد الغنوشي.