الشارع المغاربي: اكد نور الدين الطبوبي الامين العام للاتحاد العام التونسي للشغل اليوم الاربعاء 3 نوفمبر 2021 ان الحق في الصحة حق دستوري سواء تعلق الامر بمن يتمتع بتغطية اجتماعية ام لا مشددا على ان الوضع الحالي يتطلب الهدوء.

وقال الطبوبي في فيديو خلال زيارته صباح اليوم مستشفى الحبيب ثامر بالعاصمة لاقناع مصطفى بن احمد النائب بالبرلمان المجمد بفك اعتصامه: ” القضية مبدئية ..الله غالب اسمعني.. تعرف الوضع توة .. هاذيكا العقلية.. هاذيكا الدنيا يلزم الواحد يتعامل …وانا هاك شوفتني شادد الفرانات على الاخر.. علاش ..؟ لاني لو ننزل تزيد تكمّل عليها …الفترة يلزمها برشة حكمة وبرشة هدوء وبرشة اقناع.. توة الناس الكل يرجعلها شاهد العقل شيئا فشيئا ..”

واضاف مخاطبا بن احمد “يا مصطفى الصحة حق دستوري ليس ليك انت فقط كمنخرط في الكنام لكن حتى مواطن عادي غير منخرط يلزم يتعالج.. مشكل سياسي يبقى جانبا ومشكلة حق في الصحة او في اجور او في مسائل حياتية ما يلزماهاش تدخل في التجاذبات او في المواقف السياسية او في القرارات ما فيهاش حديث .. ولكن يلزمنا برشة هدوء وبرشة عقل…”

وتابع “يا خويا غادر وروّح على روحك واحنا سنتابع الموضوع.. الناس الكل بشوية هدوء.. والادارة هنا والاطباء يعطيهم الصحة وسلك شبه الطبي والعملة والموظفين الكل بارك الله فيهم ولن يتحملوا ضغط اكثر …تفاهمنا صاحبي ؟ دعني اغادر الان عندي ملفات اخرى .. “

يشار الى ان مصطفى بن أحمد قرر بعد هذه الزيارة فك اعتصامه ومغادرة المستشفى الذي اعتصم فيه احتجاجا على حرمانه من التغطية الصحية رغم قضائه اكثر من 40 سنة في القطاع العمومي بسبب وضعية البرلمان الحالي.