الشارع المغربي: شهدت قاعة الجلسات العامة بالبرلمان قبيل انطلاق جلسة اليوم المخصصة للنظر في عدد من مشاريع القوانين اليوم الثلاثاء 14 جويلية 2020 أجواء من الاحتقان والفوضى نتيجة اعتصام نواب كتلة الحزب الدستوري الحر بمقعد رئاسة البرلمان والمنصّة التي خلفه.
وأظهر فيديو بثّه النائب عن ائتلاف الكرامة عبد اللطيف العلوي على صفحته الرسميّة بموقع “فايسبوك” نواب كتلة الدستوري الحر تتوسطهم عبير موسي واقفين وهم يحملون لافتات ويرددون “لا للارهاب في مجلس النواب”.
وصاحب الفيديو صوت العلوي وهو يتّهم نواب الكتلة المعتصمة بتعطيل مسار أشغال البرلمان، معلّقا بالقول “كما ترون الآن ما يحدث في المجلس … هذه الكتلة الفاشية شنيّة عاملة …حتى تفهمو أنّهم بلطجيّة وليس لهم علاقة بالعمل السياسي …هذا ما يحدث ..هاذوما يُخلصوا من فلوس الشعب لتعطيل مصالح الشعب …هاذوما إلّي يرتهنو مجلس نواب كامل…هاذوما 16 نائب إلّي يعطلو مسار عمل تشريعي ومؤسسة سيادية من مؤسسات الدولة”.
واعتبر العلوي أنّ معركة الدستوري الحر ليست مع أطرافا سياسية مثلما يُروّج قائلا “هاذوما 16 نائب ألّي صورو انو معركتهم ضدّ طرف سياسي …هاذوما معركتهم ضدّ القانون وضدّ دولة القانون وضدّ الثورة وضدّ الحرية وضد مؤسسة سيادية وضد الدستور ..ضد خيارات الشعب كما ترون … يصرخون يعني اصل الارهاب اصل التجمع …23 سنة ارهاب جايين اليوم يصيحو لا للارهاب أهاوا يا شعب تفرج ويا إعلام يالّي كبرتوها ورديتوها غول باش تاكل البلاد كاملة وباش تاكل مسارنا الديمقراطي وثورتنا وحريتنا” في اشارة الى عبير موسي.
وتابع “هذا المجلس الذي حرره الشهداء بدمائهم باش يطلعولو بلطجيّة ليعطّلو اشغال الشعب والمصادقة على مشاريع القوانين …هاذوما إلّي يخلصوا من فلوسكم باش يعملو هكا في مؤسسة سيادية …شوف يا شعب …أوسخ ما في التجمع باش تعرف شنية فضلة بن علي …هاهوما الناس الي عمرهم ما عرفو ديمقراطية ولا حرية ولا حقوق انسان ولا قانون ولا احترام خيارات الشعب … عمرهم ما احترموا قيم ولا دولة ولا مؤسسات …هاك تشوف يا شعب اهيا فلوسك وحريتك وقراراتك وانتخاباتك وتضحياتك وشهدائك …هاذوما الكتلة الي تقول عندها مشكل مع فلان وفلان …عندهم مشكل معاك انت يا شعب مع حقك ومع حريتك”.
يُذكرُ أنّ النائب عن كتلة الدستوري الحر كريم كريفة كان قد صرّح يوم السبت 11 جويلية الجاري انه “لن تكون هناك جلسات عامة في الايام القادمة حتى حلّ مشكلة الدواعش والارهاب وعلاقة كتلة التكفير بهم” في اشارة الى كتلة ائتلاف الكرامة .
وقال كريفة في تصريح بالبرلمان “كتلة الدستوري الحر مرابطة بمجلس نواب الشعب نظرا للعتف الذي لاحظه الجميع من طرف رئيس كتلة ما يُسمى كتلة التكفير.. هذه الكتلة التي لا تصطحب الى البرلمان الا الاشخاص المشتبه فيهم والدواعش والاشخاص أصحاب السوابق في العنف…يجب انخاذ كل الاجراءات اللازمة تجاه العنف الذي يمارسه رئيس هذه الكتلة “.
https://www.facebook.com/ABDELLATIFALOUI22/videos/281200483102905/?v=281200483102905¬if_id=1594714418356116¬if_t=live_video_explicit
