الشارع المغاربي: واصل الاميرال كمال العكروت مستشار الامني القومي السابق انتقاد للاوضاع السائدة في البلاد واداء مختلف المسؤؤولين متسائلا ان كان هناك “عبث واستهتار بمصلحة الوطن، وتلاعب بالمال العام، وعدم شعور بالمسؤولية تجاه المواطن واحتياجاته مثل ما تعيش تونس اليوم داعيا المسؤولين الى “قراءة التاريخ والاتعاظ به .

وكتب العكروت في تدوينة نشرها على صفحته بموقع فايسبوك تحت عنوان “كل نهار واخباره”: “استفقنا على تونسي ارهابي آخر يقتل في ابرياء باسم الدين، ارهابي من تلامذة الظلاميين اللّي زرعوا في شبابنا وشعبنا المسالم سمومهم طيلة العشر سنوات الاخيرة ومازالوا يتبجحوا بالتقوى…أولادكم يقراوا في احسن المدارس والجامعات الغربية وابناء الشعب ادمغجوا فيهم وتبعثوا فيهم للمجازر ولتشويه صورة بلادهم”.

واضاف”…واستفقنا على خبر 107 وفاة في 24 ساعة من جراء الكوفيد ومستشفيات ناقصة اكسجين وناقصة أسرّة مجهزة لقبول مرضى الوباء القاتل”.

وتابع”..واستفقنا على خبر ان اللّي مشى يطلب في الفلوس من نيويورك باش يصرفها على الشهريات واللّي تقريبا كل يوم يعيّن في مستشار، عين لنا مستشار برتبة وزير نحّاه منذ ايام من على رأس الخطوط الجويّة لان الشركة فلست (في اشارة الى الرئيس المدير العام السابق للخطوط التونسية الياس المنكبي ).

وخاطب العكروت المشيشي ساخرا : ..يا سيدي اصرف الفلوس كاينة، وتونس عندها مال قارون …كان جاء في شركة خاصة راهم طردوه لسوء التصرّف وعدم الكفاءة … موش منّو من اللّي عينو وجابهولنا.”