الشارع المغاربي: أكد اسامة الخليفي رئيس كتلة قلب تونس بالبرلمان المجمد اليوم الخميس 9 سبتمبر 2021 تلقيه تهديدات بالقتل على حسابه الخاص بـ”فايسبوك” من قبل من أسماها “ماكينة الحشد الشعبي الممولة من دول أجنبية ” وبـ”الصفحات المنسوبة لأنصار رئيس الجمهورية قيس سعيّد”.

واشار الخليفي الى ان التهديدات المذكورة موثقة والى انه سيتم تقديمها الى القضاء والى منظمات حقوق الانسان محملا رئيس الجمهورية سلامته الجسدية .

وكتب الخليفي في تدوينة نشرها بصفحته على موقع “فايسبوك” أرفقها بصور لمنشورات صفحات تنسب نفسها لرئيس الجمهورية وتطالب بالتخلص من الخليفي بأية طريقة:” في البداية أدعو رئيس الجمهورية الى التصدي لهذا المنهج الذي ينسب له ولأنصاره وأحمله مسؤولية سلامتي الجسدية بعد هذه الحملات المنسوبة لأنصاره… كما أحذر من منهج التخوين والتقسيم والعنف والتنمر الذي دخلت فيه تونس”.

واضاف ” حبّيت نفسرلكم كيفاش تخدم ماكينة الحشد الشعبي العظيم الممولة من دول أجنبية تحت شعار خيانة بالعظمة باش ناخذ صورة بعثوهالي بعض الأصدقاء كمثال ..اهيا تصويرتو شوف ما أخيبها اقتلوه اشنقوه حطّوه في الحبس سبّوه ولكلها بنفس الكلمات والمفردات والمرتزقة في تونس وخارج تونس تنفذ حكم التنمر والتحريض على القتل”.

وتابع الخليفي” الصورة الأولى إلي مكتوب فيها يلزم نتخلصو منو على خاطر ولّى يمثل خطر على الرئيس هي صورة طبعا اختاروها وخدمو عليها مليح وهي نفسها الي يستعملو فيها في كل الحملات متاع الكذب والافتراء والتجني توة مدة والي استعملوها حتى ناس معروفين والي تقدمنا بيهم بشكاوى يعني باين انو تم اختيارها من قاعة العمليات متاع الحشد الشعبي الممولة من الخارج وتحت تحكم دول أجنبية نعرفوها (كانت حاضرة بقوة في الانتخابات الرئاسية ويوم 25 جويلية )وتم العمل عليها وهي صورة حسب ما نفهم المغزى منها خلق وعي جماعي عند الناس وتحريك غرائز الحقد والبغض والكراهية هاذا وجهو خايب في التصويرة يحق فيه القتل ومادام وجهو خايب زادة لواه يعمل في السياسة وجهو موش متاع سياسة”.

وواصل ” مرحبا بكم في تونس الجديدة ومرحبا بتهديدكم بالقتل الي وصلني منّو على حسابي الخاص وهو موثق وسيتم تقديمه للقضاء ولمنظمات حقوق الانسان. لن نسكت موش على روحي انا ما يهمنيش ولكن على ما سيكون لهذا التصرف الخطير من تداعيات على تونس اليوم… أنا كنت ضحية هذه الماكينة غدوة اي انسان يحب يعارض او يدلي برأي مغاير سيكون له نفس المصير من نفس الماكينة ونفس الجوقة الحاقدة المعقدة والمريضة”.

وكان الخليفي قد اعتبر في تدوينة نشرها يوم امس الاربعاء ان تونس امام خيارين لا ثالث لهما: اما ارجاع الشرعية او نزعها عن الجميع بما في ذلك عن رئيس الجمهورية قيس سعيد.

يذكر ان الخليفي يتواجد بالخارج وقد خلفت مداخلته يوم اول امس في اشغال مؤتمر الاتحاد البرلماني الدولي بالعاصمة النمساوية فيينا جدلا واسعا واتهم بالدعوة للتدخل الاجنبي .