الشارع المغاربي: أكّدت النائبة عن التيار الديمقراطي سامية عبو اليوم الثلاثاء 24 أوت 2021 أنّ هيئة مراقبة دستورية مشاريع القوانين قررت احالة مشروع القانون المتعلق بالانعاش الاقتصادي الى رئيس الجمهورية للختم .

وكتبت عبو في تدوينة نشرتها اليوم على صفحتها الرسمية بموقع “فايسبوك”: “مبروك للكناطرية ومبيضي الاموال ومرتكبي جريمة التهرب الضريبي وبياعة المخدرات والسلاح …جاتكم الرحمة من هيئة مراقبة دستورية القوانين, أهوكة لا عاد ثمة حرب على الفساد ولا عاد باش يتبعكم حد , لا قانون تبييض الاموال مازال ينطبق عليكم ولا قانون من أين لك هذا ولا الفصل 80 من الدستور ينفع معاكم, بركة ادفع 10 بالميا من أموالك المسخة وعيش بأمان في تونستان”.

واضافت ” عيش انت براحتك وموش مشكل شبابنا الي دمرتوه واقتصادنا الي خربتوه وميزانيتنا الي أفلستوها, موش مشكل , انتم الي بيكم الفايدة… أما نحن الشكارة والبحر, وأهوكة مرة وحدة القانون فكر حتى في مستقبلكم يعني كان تحب تواصل في نشاطك ,مرحبا وخوذ راحتك , بركة عاود أدفع المكس للخزينة الي نهبتوها .الله لا تربحكم , أفسدتم حياتنا”.

يُشار الى أنّ مجلس نواب الشعب كان قد صادق اثر جلسة صاخبة تمت يوم 12 جويلية 2021 على مشروع قانون الانعاش الاقتصادي وتسوية مخالفات الصرف فيما طعنت مجموعة من نواب عن الكتلة الديمقراطية ونوابا مستقلين يوم 19 جويلية 2021 في مشروع القانون المذكور.